Vinicius Junior do të drejtojë një komitet të posaçëm të FIFA-s kundër racizmit, i cili do të përbëhet nga lojtarë që do të propozojnë dënime më të rrepta për sjelljet diskriminuese në futboll.
Këtë e zbuloi për Reuters, këtë të enjte, Gianni Infantino, president i FIFA-s.
“Nuk do të ketë më futboll me racizëm. Ndeshjet duhet të ndërpriten menjëherë kur të ndodhë. Mjaft më!”, tha kreu më i lartë i futbollit pas takimit me Vinicius dhe ekipin brazilian, i cili luan kundër Guinesë në Barcelonë, të shtunën, si pjesë e një fushate kundër racizmit, të udhëhequr nga Shoqata Braziliane e Futbollit (CBF).
Lexo edhe:
- Përgatitjet e Kombëtares/ Sylvinho ndan grupin në dysh, rikthehet mbrojtësi
- Premier League/ Sezoni i ri nis më 11 gusht, duel i zjarrtë në javën e parë
- “Mbappe, eja te Reali”, sulmuesi fton francezin në Bernabeu
- Dalic: Fitore historike, ka ardhur koha të fitojmë medaljen e artë
Lojtari i Realit të Madridit mori fyerje raciste në ndeshjen që luajti ndaj Valencias në stadiumin Mestalla.
“Kam kërkuar nga Vinicius të drejtojë këtë grup lojtarësh që do të paraqesin dënime më të rrepta kundër racizmit, të cilat më pas do të zbatohen nga të gjitha autoritetet e futbollit në botë. Ne duhet të dëgjojmë lojtarët dhe çfarë kanë nevojë për të punuar në një mjedis më të sigurt. Ne e kemi marrë shumë seriozisht këtë punë”, tha Infantino.
