Andrea Pinamonti ia hedh paq. Sulmuesi italian i Sassuolos kishte bërë sherr me oficerin e kontrollit për doping pas ndeshjes me Atalantën dhe ndaj tij ishte hapur një hetim, që është mbyllur me marrëveshje gjatë ditës së sotme.
Kështu futbollisti dhe prokura federale kanë rënë dakord për një pezullim 20-ditor, që në fakt ka një vlerë thuajse zero, pasi ka nisur sot dhe do të përfundojë më 10 dhjetor.
Thënë ndryshe, kohën e pushimit për shkak të Botërorit, Pinamonti do të jetë i pezulluar dhe do të rikthehet normalisht në fushë për t’u përgatitur për pjesën e mbetur të sezonit futbollistik.