Eder Citadin Martins ka rinovuar sot kontratën e tij me Interin, duke e zgjatur afatin e saj deri në vitin 2021. Sulmuesi italo-brazilian luan te zikaltrit që prej janarit të 2016-ës, kur erdhi nga Sampdoria dhe ka shënuar 11 gola në 63 takime.
Me kontratën e re, 31 vjeçari duket se ka vendosur të mbyllë te zikaltrit karrierën e tij në nivele të larta, sepse në 2021-shin, kur të jetë 35 vjeçar, nuk përjashtohet mundësia e ndonjë aventure në Kinë ose SHBA.
Lajmi i rinovimit është bërë i ditur nga vetë klubi zikaltër, nëpërmjet një postimi në llogarinë zyrtare, në Twitter.
Ufficiale: @Edercitadin7 nerazzurro fino al 2021! 👉 https://t.co/xOcV5YMiKh #FCIM pic.twitter.com/w6CQ7Vs8lV
— Inter (@Inter) November 2, 2017
