Luka Jovic ishte pjesë e Real Madrid në sezonin 2021-2022, megjithatë serbi i transferuar nga Eintracht Frankfurt dështoi të impresiononte në La Liga ndërsa tashmë aktivizohet me Fiorentinën në Itali. Së fundmi, sulmuesi është rikthyer të flasë për kohën e tij tek spanjollët ndërsa shprehet se një nga arsyet pse dështoi tek Los Blancos, ishte koha, pasi në atë moment shpërtheu Karim Benzema dhe francezi i mbylli të gjitha hapësirat për të.
“Aventura te Real Madrid ishte e bukur për aq sa zgjati. Ishte një eksperiencë e madhe për mua dhe ishte një nder të luaja për një nga klubet më të mëdha në botë.
Mendoj se u transferova pak shpejt te Reali, pastaj erdhi edhe momenti i Benzema. Ai shpërtheu dhe e fitoj me meritë Topin e Artë. Unë isha i pafat, ishte COVID-i, më pas një dëmtim, por mbetet me siguri një eksperiencë shumë e vlefshme”, u shpreh Jovic.