Xavi është shumë i kënaqur me blerjen e Raphinha. Barcelona pagoi 58 milionë euro te Leeds United dhe sulmuesi i djathtë firmosi deri në vitin 2027 me klubin katalanas.
“Nënshkrim spektakolar për Barcelonën. Jo vetëm për këtë sezon, por edhe për vitet e ardhshme. Ai është një futbollist që luan dhe punon për ekipin, kroson bukur dhe është i aftë përpara portës kundërshtare.
Raphinha di të shënojë gola, ai gjuan bukur edhe goditjet e dënimit. Mbi të gjithë është i uritur për të bërë mirë e fituar me ne. Këto janë sinjale të mrekullueshme”, deklaroi trajneri i Barcelonës.
Klubi spanjoll ka kryer pesë përforcime deri tani. Nën urdhrat e Xavit janë vendosur Robert Lewandowski, Raphinha, Franck Kessie, Andreas Christensen dhe Jules Kounde.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
