Ka rinisur sot kampionati i futbollit të Kosovës. Kampionët e Ballkanit triumfuan 2-4 në Malishevë, duke u ngjitur në kuotën e 41 pikëve në vendin e parë.
Albion Rrahmani shkëlqeu në këtë ndeshje për skuadrën e Ilir Dajës me tregolëshin e tij. Llapi iu fal golit të meksikanit Franciso Rivera në pjesën e parë për të thyer 0-1 Drenicën.
Ndërkohë, përballja Gjilani-Ferizaj nuk prodhoi asnjë gol. Dy skuadrat ndanë nga një pikë në fund, që më shumë i shërbeu skuadrës udhëtuese.
Të dielën do të luhen dy takimet e tjera të javës së 19-të: Dukagjini-Prishtina dhe Trepça ’89-Drita.
