Triumfon boksi, triumfon Mayweather. McGregor bëri aq sa mundi, natyrisht për dikë që vinte nga një tjetër disiplinë. Verdikti i duelit të mijëvjecarit është i qartë. Boksi është art.
Pikërisht për këtë arsye ishte dueli më i pritur, 600 milionë dollarë të ardhura dhe sytë e gjithë botës në T Mobile Arena , me ndeshjen që transmetohej live për publikun shqiptar në Digitalb dhe Supersport aty ku artisti i arteve marciale McGregor sfidonte “mbretin” Mayweather. Irlandezi bëri më të mirën, madje tejkaloi pritshmëritë për dike që vinte në ring nga oktagoni i MMA, vuri në vështirësi Mayweather duke ia marrë tre raundet e para, me gongun e raundit të katërt u sfumua dhe premtimi që i kishte bërë publikut se amerikani nuk do të zgjaste më shumë se katër raunde, dhe ishte kufiri që ndan dy dete, pasi që aty ndeshja mori tjetër rrjedhë, papritmas lëvizjet e irlandezit u ngadalësuan dhe intuita e dikujt si Maywweather nuk mund ta linte t’i shpëtonte një rast i tillë, paprimtas Moneymaker i njohur botërisht për aftësitë e tij në mbrojtje nisi të luante në sulm, raund pas raundi, që në të 7 u kuptua se McGregor po i mbaronte benzina, ishte thjesht cështje kohe me amerikanin që jepte goditje dhe Conor që mbante me forcën e karakterit të tij irlandez, por kaq, e pamundur edhe të imagjinohej një mrekulli, mrekullia e McGregor ishte thjesht të rezistonte si për të treguar se sa vlen, raundi i 8 dhe i 9 ishin një torturë për të, nuk i mbanin më këmbët, në të 10 filloi të varej ndërsa Mayweather shpërndante goditje deri sa arbitri u detyrua ta ndërpriste ndeshjen për të evituar një fund më të keq për irlandezin. Fiton Mayweather, është e 50 fitore radhazi për të në boksin profesionist pa asnjë humbje, thyen rekordin e mitikut Rocky marciano. Ndeshja e fundit për të, një kapak i artë, McGregor është i detyruar të pranojë superioritetin e kundërshtarit por mbi të gjitha boksit, një disipline që me një fund ndryshe rrezikonte vërtet shumë. Spektakël për të gjithë dhe në fund konfirmimi se boksi mbetet art.
