Connect with us

Hi, what are you looking for?

Futboll

Superiore U-19/ Zbardhen emrat e ekipeve gjysmëfinaliste

Kategoria Superiore U-19 ka zhvilluar këtë fundjavë ndeshjet e fazës play-off dhe play-out të këtij sezoni. Dhjetë skuadrat e grupeve A dhe B u përballën me njëra-tjetrën në këto faza, play-off dhe play-out, ku u përcaktuan edhe ekipet gjysmëfinaliste dhe skuadrat që do të luajnë në kategorinë e parë u-19 në edicionin e ardhshëm.

Në ndeshjet e fazës play-off, të vlefshme për të përcaktuar skuadrën fituese kombëtare për këtë edicion, Partizani është një nga ekipet që kaloi në gjysmëfinale. Të kuqtë mundën me rezultatin minimal 1-0 Bylisin, në një sfidë mjaft të luftuar. Goli i vetëm i takimit u realizua nga Hodo në minutën e 81-të të sfidës, gol që i siguroi kryeqytetasve gjysmëfinalen, ku përballë do të kenë skuadrën e Tiranës.

Bardheblutë mposhtën me rezultatin 1-3 ekipin e Skënderbeut. Ndeshja nisi mirë për juglindorët, që kaluan të parët në avantazh me Hysollin. Me nisjen e fraksionit të dytë, Qefalija barazon rezultatin, ndërsa në minutën e 54-t, Karaj kalon në epërsi Tiranën. Pak minuta para fundit të lojës, Nikqi realizon edhe golin e tretë të sfidës, me Tiranën që kalon kështu në fazën tjetër.

Në dy ndeshjet e tjera, Apolonia mundi Akademinë e Futbollit me rezultatin 2-0. Fierakët mbyllën gjithçka që në pjesën e parë, me golat e Topit dhe Lutajt, duke siguruar kështu një biletë për në gjysmëfinale, ku do të përballen me Football Republic.

Këta të fundit fituan me shifrat e thella 4-0 ndaj Vllaznisë, një ndeshje mjaft e fortë nga të dyja ekipet. Kryeqytetasit gjetën golin e epërsisë me Çuçkën në minutën e 8-të të takimit, ndërsa tre golat e tjerë i realizuan në pjesën e dytë me Shibën (2) dhe Zëren.

Play-off U-19, ndeshjet çerekfinale:

KF Partizani 1-0 KF Bylis

KF Skënderbeu 1-3 KF Tirana

FK Apolonia 2-0 Akademia e Futbollit

KF Vllaznia 0-4 Football Republic

Play-off U-19, ndeshjet e fazës gjysmëfinale

FK Partizani – KF Tirana

FK Apolonia – Football Republic

Sakaq, ditën e shtunë u zhvilluan edhe ndeshjet e fazës play-out për këtë grupmoshë, ku u përcaktuan edhe dy skuadrat që do të vazhdojnë të jenë pjesë e Kategorisë Superiore U-19 për edicionin e ardhshëm. Lushnja dhe Shkëndija Tr. mundën respektivisht Elbasanin dhe Besën.

Sfida Elbasani – Lushnja u mbyll me rezultatin 1-1, teksa në goditjet e penalltive, skuadra myzeqare u tregua më e saktë, duke fituar me rezultatin 2-4.

Në ndeshjen tjetër, Shkëndija Tr mundi me shifrat e thella 4-0 skuadrën e Besës, duke siguruar kështu qëndrimin në Superiore edhe për edicionin e ardhshëm.

Play-out U-19:

FK Elbasani 1-1 Lushnja (2-4 Penallti)

Shkendija Tr 4-0 FC Besa

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...