Flamurtari zyrtarizon trajneri e ri, që do të ketë detyrën e vështirë, në luftë me kohën, që të ndërtojë një grup solid dhe me pretendime për sezonin e ardhshëm. Por, për befasinë e të gjithëve nuk është Julian Ahmataj, sikurse ishte raportuar javët e fundit.
Administratori Sinan Idrizi i ka surprizuar të gjithë, teksa ka firmosur me Gerd Haxhiun, djalit e të madhit Mexhid Haxhiu, i cili përvesçse si futbollist ka eksperiencë edhe si trajner me ekipe të ndryshme në futbollit shqipar (Besa, Skenderbeu, Luftëtari, Korabi. Partizani, Apolonia).
Në njoftimin e shkurtër të klubit vlonjat shkruhet:
“Pas eksperiencës si lojtar, rikthehet me detyrën e trajnerit të parë. Stafit të teknikut vlonjat i bashkohet edhe një emër i njohur në futbollin shqiptar, Dritan Sadedini, me detyrën e ndihmëstrajnerit.”
