Ceremonia e çmimevev të revistës France Football që kulmoi me Topin e Artë dorëzuar Luka Modric nuk ka lënë askend indiferent sidomos një si Simeone i cili është shpesh herë protagonist i polemikave me të mëdha në futboll. Trajneri i Atleticos dha opinionin e tij lidhur me çmimin kryesor qe fitoi kroati madje nuk nguroi të tregonte edhe emrat së cileve do ua dorëzonte ai nëse do ishte në dorën e tij.
“E përgëzoj Modric për trofeun e fituar por nëse do e vendosja unë në bazë të trofeve apo gjithçka kanë realizuar gjatë gjithë vitit kalendarik Griezmann ose Varane do ta meritonin më tepër atë çmim individual. Griezmann ka qenë lojtari kryesor i klubit të tij ku fitoi Europa Leaguen dhe me Francën Botërorin ndërsa për Varane nuk mund të shtoj asgjë, flasin trofetë. Champions League, Botëror e të tjera në një moshë aq të re, titullar fiks në skuadren e tij”.
Ndërsa në vijim Simeone tregoi pakënaqësitë e tij edhe rreth çmimit portieri i vitit, që këtë herë u nderua Courtois.
”Kur Courtois ishte portier i Atleticos së Madridit, portier i vitit u shpall Navas ndersa tani qe belgu mbron portën e Realit të Madridit, ja del të tirumfoje. Jane gjëra të pashpjegueshme por ky është realiteti ku jetojme dhe na duhet ta pranojmë”.