Trajneri suedez, Eriksson, ish-i Lazios,, Romës, Benfikës, Manchester City-t etj., (kampion i Italisë në vitin 2000 me Lazion), në një deklaratë të shkurtër në faqen e klubit të tij aktual, Karlstad Football Club, shpjegoi se ka vendosur të tërhiqet nga futbolli (kuptohet, si trajner) dhe se arsyeja është për shkak të gjendjes së tij shëndetësore:
“Unë, Sven-Goran Eriksson, për momentin kam vendosur të reduktoj paraqitjet e mia publike për shkak të problemeve shëndetësore.
Lexo edhe:
- Lewandowski “me dy fytyra”, nuk bën diferencën në Evropë
- Welsey Sneijder: Ju tregoj anekdotën e Mourinhos me Materazzin
- Dëmtohet rëndë mesfushori në pronësi të PSG-së, humb sezonin
- Atmosferë derbi në Madrid, Ancelotti ka një kuriozitet për Simeonen
Jam i përqendruar, për momentin, te shëndeti dhe familja ime, ndaj e kam kufizuar përfshirjen me Karlstadin.
Do të doja të falënderoja komunitetin e gjerë të futbollit dhe miqtë, për mbështetjen dhe mirëkuptimin e tyre dhe për faktin se po respektojnë privatësinë time. Dëshira ime është të fokusohem në shëndetin tim dhe familjen time.”
