Trajneri i Kombëtares, Sylvio Mendes Campos Junior ka zhvilluar takime pune këtë fundjavë me dy lojtarët e Kombëtares: Ivan Balliun dhe Keidi Baren.
Tekniku brazilian ka udhëtuar drejt Spanjës së bashku me ndihmësin e tij, Pablo Zabaleta, ku fillimisht janë ndalur në Madrid për të ndjekur ndeshjen Rayo Vallecano-Mallorca. Që mbaroi me rezultatin 2-2, takim ku mbrojtësi i djathtë Balliu luajti për 90 minuta.
Pas ndeshjes, Sylvinho dhe Zabaleta janë takuar me futbollistin shqiptar dhe kanë diskutuar për formën e tij. Por edhe për ndeshjet e ardhshme të Kombëtares në muajin tetor ndaj Republikës Çeke dhe Bullgarisë.
Lexoni edhe:
- Nga golat e Uzunit dhe Laçit te asisti i Roshit, forma e kuqezinjve gëzon Sylvinhon para Çekisë
- “Kam pirë ujë të bekuar”, Mourinho: Me Romën kam fituar një trofe e gjysmë
- Legjenda e Realit refuzon Schalken, ëndërron të zëvendësojë Ancelottin
- Sulmuesi anglez flet për ndikimin e Messit: Surreale të luaja kundër tij në finale, ishte çmenduri!
Më pas, dy teknikët janë ndaluar edhe në Barcelonë, ku janë takuar me mesfushorin Keidi Bare. I cili aktivizohet me katalanasit e Espanyolit. Palët kanë diskutuar gjithashtu me të për impenjimet e ardhshme të kuqezinjve në kualifikueset e Euro 2024.
Sylvinho ka zhvilluar një tur takimesh gjatë javëve të fundit me lojtarët e Kombëtares në kuadër të përgatitjeve për grumbullimin e radhës që do të nisë më 8 tetor 2023.
Shqipëria pret Çekinë në “Air Albania” në datën 12 tetor, ndeshje tepër e rëndësishme për kualifikimin në Euro 2024. Pesë ditë më vonë është radha e miqësore me bullgarët, sërish në “Air Albania”.
Dy takimet e skuadrës kombëtare do të transmetohen live në SuperSport/DigitAlb.
