Connect with us

Hi, what are you looking for?

Kombëtare

Sylvinho u tregon Shqipërinë brazilianëve: Objektivi është kualifikimi në Evropian

Sylvinho
Sylvinho

Trajneri më i ri i Kombëtares së Shqipërisë, Sylvinho, ka folur për aventurën si “timonier” i kuqezinjve në median e famshme braziliane, “Estadao”.

48-vjeçari u emërua në janar në krye të Shqipërisë, duke zëvendësuar Eduardo Rejën në stol, me ambicien e qartë për të kualifikuar kuqezinjtë në “Euro 2024”.

Misioni nuk është aspak i lehtë, megjithatë, në deklaratën e dhënë së fundmi në shtypin brazilian, Sylvinho është shfaqur tejet optimist dhe më dëshirën e madhe për të rritur futbollin shqiptar.

”Kur pranova ofertën e Shqipërisë, e dija mjaft mirë që synimi i tyre ishte një trajner i huaj. Qëllimi kryesor është të kualifikohemi në “Euro 2024”.

Lexo edhe:

Kam udhëtuar në vitet e fundit qoftë në Brazil, Japoni, Australi apo në Shtetet e Bashkuara të Amerikës. M’u deshën pesë vite për përfundimin e kursit të UEFA-s.

Kam humbur pushime të rëndësishme. Ne, brazilianët, jemi trajnerë të mirë, që dimë të punojmë, jemi premtues dhe pa dyshim duam kohën tonë. Unë jam i lumtur që jam mes tyre.”

Gjatë intervistës, Sylvinho tregoi edhe një nga elementet më të rëndësishme, që është gjuha.

Braziliani u shpreh se shqiptarët ndikohen shumë nga Italia. Ai shtoi se komunikimi i tij i rrjedhshëm në gjuhën italiane do ta ndihmojë jashtëzakonisht gjatë kësaj periudhe. Megjithatë Sylvinho ka hedhur poshtë mundësinë për të mësuar gjuhën shqipe.

Zgjedhja e tij për të jetuar në Shqipëri së bashku me asistentin Doriva u prit si surprizë nga opinioni. Megjithatë braziliani shtoi se është tejet dobiprurëse.

“Gjuha shqipe është një nga më të vështirat e botës. Ndryshe nga sa thonë njerëzit, puna këtu në Shqipëri nuk mungon.

Merremi me shumë analiza, përmbledhje, klipe lojtarësh nga 90 minuta prej secilit prej 30 futbollistëve të mundshëm që do të thirren.

Së paku, shtatë futbollistë do të thirren nga Serie A. Nga tri udhëtimet e rëndësishme, dy ishin drejt Italisë. Të tjerët luajnë në Angli, Spanjë, Turqi dhe Greqi.

Unë ndjek dhe kampionatin vendas teksa kemi vënë re 2-3 futbollistë të rinj me shumë talent për të qenë pjesa jonë.

Do të jem i drejtpërdrejtë me ju, kam besim se mund të kualifikohemi në Evropian pasi grupi është vërtetë i balancuar.”

Më 5 mars, Sylvinho do të publikojë listën përfundimtare të lojtarëve që do të jenë të grumbulluar për sfidat e para eliminatore.

Në datën 20, futbollistët do të paraqiten në Shqipëri ku do të përgatiten për një javë deri në ndeshjen e parë në Varshavë kundër Polonisë.

Në grupin E, përveç polakëve, janë dhe Republika Çeke, Ishujt Faroe dhe Moldavia.

Lajme të tjera

Euro 2024

Pak ditë na ndajnë nga fillimi i Kampionatit Europian, Gjermani 2024 dhe tashmë kanë nisur llogaritë e grupeve përkatëse. Shqipëria ndodhet në Grupin B...

Euro 2024

Gjashtë muaj në Serie A ishin të mjaftueshme për të bindur Interin për të firmosur me Kristjan Asllanin. Organizatori kuqezi spikati e skuadrën e...

Kombëtare

Erjon Bogdani vijon të jetë golashënuesi më i mirë në historinë e kombëtare shqiptare me 18 rrjeta. Ish-sulmuesi i njohur, i cili në Itali...

Euro 2024

Futbollisti i kombëtares së Çekisë, Michal Sadilek nuk do të jetë pjesë e skuadrës për ndeshjet e Euro 2024, dhe arsyeja është e pazakontë!...