Dani Alves ndodhet në qeli prej 20 janarit. Futbollist me më shumë trofe në historinë e futbollit, u dënua për përdhunimin e një vajze të re në një klub nate në Barcelonë, ngjarje e ndodhur më 30 dhjetor.
“Unë nuk dua para, thjesht dua që ai të shkojë në burg”, u shpreh 23-vjeçarja, ndërkohë që shtypi spanjoll ka publikuar fjalët e ish-kapitenit të kombëtares së Brazilit nga burgu.
“Do të pranoj çfarëdo që të ndodhë. U largova nga shtëpia kur isha vetëm 15 vjeç. Kam kapërcyer situata shumë të vështira dhe të komplikuara në jetë.
Edhe kjo do të kalojë… Mua nuk më tremb asgjë”, është shprehur mbrojtësi i djathtë brazilian.
