Angelos Tafas pritet që të jetë portieri i Gjilanit për ndeshjet e Europës. “SuperSport” mëson se skuadra e drejtuar nga Klodian Duro ka arritur marrëveshjen me Kukësin për huazimin e “gardianit”, për sfidat e Conference League.
Portieri do të ketë mundësinë që të tregojë aftësitë e tij në Europë, ndërkohë që Kukësi shpreson që paraqitjet e Tafas të bëjnë që në tavolinë e klubit të ketë ndonjë ofertë për Tafas.
Verilindorët janë në një moment jo të mirë, për shkak se këtë vit kanë vendosur të ulin buxhetin, e në rast se do u krijohet mundësia për të shitur ndonjë nga lojtarët që kanë në organikë, nuk do të mendoheshin gjatë. Tafas është një lojtar premtues dhe mosha e re dhe nëse paraqitet mirë në ndeshjet e raundit të parë të kualifikueseve të Conference League ndaj Progrès Niederkorn.
Lexo edhe:
- “Heronjtë” grekë të triumfit të Euro 2004 mblidhen 19 vite pas: E pamundura nuk ekziston!
- Nuk ka më dyshime, Firmino zyrtarisht futbollist i Al Ahlit
- Reali fiton “El Clasicon” e merkatos për talentin turk
- Zyrtare/ Ja kur e nis Ancelotti punën si trajner i Brazilit
Krahas Tafas, Kukësi dhe Gjilani po negociojnë dhe për Atdhe Rashitin, sulmuesin i cili u bashkua në janar me verilindorët. Kuksianët kanë të njëjtin plan si për portierin, që në rast të një paraqitje të mirë, mund të krijojnë ndonjë opsion për të shtuar të ardhurat.
Problemet e Safet Gjicit kanë ndikuar drejtpërdrejt tek skuadra verilindorë, që po punon edhe në merkaton në hyrje, teksa deri më tani ka afruar zyrtarisht Blerim Sahitaj dhe Mario Beshiraj.
