Shqipërim Taipi ishte nga të paktat gjëra të bukura të Skënderbeut në ndeshjen e sotme përballë Partizanit. Mesfushori shqiptar nga Maqedonia u aktivizua në fillim të pjesës së dytë, në vendin e Guedj dhe menjëherë tregoi një shpirt të lartë gare, por edhe qarkullim mjaft të mirë të topit.
Luanit ndeshjen e parë me Skënderbeun, por u patë i ambientuar mjaft mirë me këtë skuadër…
Ishte një ndeshje shumë e rëndësishme, pasi vij nga një kampionat tjetër dhe kisha edhe emocione, por isha gati të jepja maksimumin.
Do të donit të kishit ardhur më herët në kampionatin shqiptar?
Do të kishte qenë më mirë më herët, por unë jam ende i ri dhe besoj se jam në kohë për të qenë këtu, ndaj tani duhet të hedh hapat një nga një.
Mendoni se jeni ende në garë për titull?
Kampionati është shumë i gjatë dhe ne do të mendojmë deri në fund për titullin kampion, por pse jo edhe për Europën.