Luka Modric e ka marrë shumë seriozisht mundësinë e transferimit tek Interi. Këtë të mërkurë është paraqitur sikurse ishte programuar na Valdebebas, me premtimin se do të marrë shumë shpejt një përgjigje nga Reali i Madridit. Gjatë orëve të pasdites ka programuar një takim kokë më kokë me zëvendëspresidentin e Realit të Madridit José Angel Sanchez.
Kroati insiston të takojë Florentino Perezin e të gjithë rrethanat të bëjnë të mendosh se të dy do të vendosin pikat mbi i gjatë të enjtes.
E ndërsa te Reali po i kërkojnë të qëndrojë, ai e ka shprehur hapur dëshirën për t’u transferuar tek Interi.
Vendimi i Modricit nuk ka të bëjë shumë me anën ekonomike, por me nisjen e një cikli të ri. Presionet e orëve të fundit nuk e kushtëzojnë aspak në vendimmarrje. Është gati edhe të prishë marrëdhëniet e mira që ka me klubin nëse te Reali nuk e mbajnë fjalën.