Juventusi ia doli të marrë një fitore shumë të rëndësishme sa i përket garës për një vend në zonën Champions, pasi mposhti Atalantën në trasnfertë me rezultatin 0-2.
Krahas tri pikëve, një tjetër aspekt pozitiv për bardhezinjtë ishte edhe goli i shënuar nga talenti anglez Iling Junior, i cili shënoi për herë të parë në Serinë A.
Lexo edhe:
- Mourinho ndez polemikat për golin e parë të Interit: Ishte një pozicion jashtë loje
- Momente frike tek ekipi i ish-trajnerit të Partizanit, sulmohet nga ultrasit
- Fortesa “Arena e Demave” dhe goleadori i ri, Partizani me moral të lartë në derbi
- Gol, fitore dhe dy rekorde! Momo Salah në historinë e Liverpoolit
Pas ndeshjes anglezi nuk e fshehu kënaqësinë për golin e shënuar, teksa foli me superlativa edhe për trajnerin Massimiliano Allegri, që po i jep mundësinë të tregojë aftësitë e tij në fushë.
“Jam tepër krenar që vesh këtë fanellë, e cila ka shumë peshë në futbollin botëror. Falënderoj maksimalisht trajnerin Allegri për minutat që më dha. Është një nga trajnerët më të mirë në futbollin italian dhe shpresoj të qëndrojë sa më gjatë në klub. Më ka ndihmuar shumë të rritem si njeri dhe si futbollist. Ndaj Atalantës morëm një rezultat pozitiv, por tani duhet të mendojmë për ndeshjen e radhës”, deklaroi Iling Junior. .
