Pedri nuk fshihet pas eliminimit të Barcelonës nga Champions League. Mesfushori i talentuar i ekipit katalanas, e cilëson dështim të madh përfundimin e aventurës në kompeticionin më të rëndësishëm për klube.
“Një përvojë e tillë nuk duhet të ndikojë negativisht tek ne. E dinim se ishim pothuajse jashtë dhe vetëm një mrekulli mund të na ndihmonte. Tani do t’i kushtojmë të gjitha përpjekjet tona fitimit të Europa League.
Megjithatë, dalja nga Champions League është një dështim, e pranoj. Jemi shumë të rinj, ekipi ka shumë lojtarë të rinj dhe për momentin nuk njihemi sa duhet. Do të duhet kohë për t’u përmirësuar, por ky mbetet një dështim, pasi Barcelona duhet të ecë gjithmonë përpara në Champions”, deklaroi 19-vjeçari.