Me rënien e ekipit një kategori më poshtë, largimi i talentit Ryan Sessegnon nga Fulham pothuajse është i sigurt. 19-vjecari ka bërë një sezon pozitiv, pavarësisht se skuadra e tij nuk arriti të mbijetonte ndaj dhe mëngjarashi shpreson të gjejë sistemim në një tjetër klub të Premier League. Më herët për Sessegnon kanë shprehur interes “Djajtë e Kuq” të Manchester United, ndërkohë që Tottenham duket se është më e interesuar. Pikërisht “gjelat” e Londrës janë edhe destinacioni i preferuar i 19-vjecarit, i cili pëlqen të punojë me trajnerin Mauricio Pochettino. Sessegnon ka edhe një tjetër vit në kontratën e tij, ndërkohë që Fulham kërkon 35 milionë paund për ta lënë të lirë.