Një verë si protagonist dhe menjëherë Andrea Favilli gjen skuadrën e parë me të cilën do të debutojë në Serinë A dhe do të kërkojë të hedhë bazat për një karrierë të lavdishme.
I riu i talentuar i Juventusit është transferuar te Genoa me formulën e huazimit për 5 milionë euro dhe blerjes për 7 të tjera verën e ardhshme.
Nga ana tjetër, bardhezinjtë kanë ruajtur të drejtën e riblerjes për vlerën e 24 milionë eurove, nëse do të vendosin ta ushtrojnë ndonjëherë.
Favilli shkëlqeu në ndeshjet e International Champions Cup, ku arriti të shënojë tre herë për bardhezinjtë, dy ndaj Bayern Munchen dhe një ndaj Benficës.