Merkato

Talenti i Leverkusenit në gjurmët e Werner, kërkon transferimin në kampionatin anglez

Kai Havertz u shpreh dëshirën e tij drejtuesve të Chelsea-t, për të kaluar në radhët e bluve. 21-vjeçari i përfaqësueses gjermane mendohet se është në kontakt të vazhdueshëm me krerët e klubit londinez dhe mesfushori me tipare sulmuese ka informuar drejtuesit e Chelsea-t për qëllimin e tij, për t’u zhvendosur në ishull në Premier League.

Havertz konsiderohet si një ndër futbollistët më të talentuar të “mannschaft”-it dhe për hir të së vërtetës nuk është për herë të parë që emri i tij lidhet ngushtë me klubin e famshëm anglez. 21-vjeçari nga Aachen-i ka rënë në sy prej kohësh për lojën dhe cilësitë e shfaqura në fushën e lojës, me fanellën e një klubi si Bayer Leverkusen. Mësohet se Kai Havertz ka shfaqur hapur dëshirën e tij për t’iu bashkuar Chelsea-t që këtë verë dhe nga sa bëhet e ditur stafi dhe menaxherët e tij po bëjnë çmos që transferimi i tij të realizohet që në muajt e ardhshëm.

Ndonëse në moshë fare të re, Havertz që tani është një ndër tre kapitenët e “aspirinave” dhe numri 29 i Leverkusenit mund të luajë shumë mirë në fazën e organizimit në mesin e fushës, si në qendër ashtu edhe në krahun e djathtë, pa harruar faktin që ai mund të mbulojë gjithashtu shkëlqyeshëm edhe rolin e qendërsulmuesit, pozicion ku e ka treguar më së miri veten, pasi në mungesë të sulmuesit kryesor të ekipit Kevin Volland për arsye dëmtimi skuadrën e drejtuar nga trajneri holandez Peter Bosz e mori përsipër pikërisht Havertz, që e përfundoi këtë edicion të Bundesligës si golashënuesi më i mirë i Leverkusenit, me 12 gola gjithsej, në 30 ndeshje në kampionatin gjerman.

Gjashtë prej këtyre golave kanë shërbyer për të zhbllokuar ndeshjet për ekipin e tij dhe vetëm në një rast goli është realizuar nga pika e bardhë e 11-metrave, sakaq Havertz ka dhënë gjithashtu edhe një kontribut tepër të çmuar duke ndihmuar shokët e skuadrës me 6 asiste. Prej një viti vlera e tij ishte pak a shumë e njëjtë. Bëhet fjalë për një shumë marramendëse prej plot 90 milionë euro, megjithëse së fundmi duke marrë në konsideratë edhe pasojat e pandemisë së koronavirusit vlera aktuale e tij sipas transfermarkt-it ka rënë në 81 milionë euro.

Nga sa kuptohet Reali i Madridit dhe Bayerni i Mynihut nuk i kanë paratë e mjaftueshme për të siguruar shërbimet e këtij lojtari që në merkaton e kësaj vere, prandaj edhe drejtuesit e këtyre klubeve i janë lutur futbollistit nga Westfalia për të qëndruar edhe për një tjetër sezon në radhët e Leverkusenit. Gjërat pritet të zgjidhen shpejt në këtë aspekt, pasi drejtuesit e Chelsea-t që kanë qenë në bisedime prej javësh me menaxherin e tij, i kanë ofruar Havertz-it menjëherë një kontratë të majme 5-vjeçare.

21-vjeçarit i ka bërë shumë përshtypje ambicia e drejtuesve të Chelsea-t për ta rikthyer klubin në majat më të larta, gjë që konfirmohet edhe nga vetë blerjet e emrave të tillë si Timo Werner nga Leipzig-u dhe Hakim Ziyech nga Ajaksi i Amsterdamit. Një frymë e tillë mund të japë shpejt frytet, për një futbollist që vlerësohet plot 100 milionë euro nga drejtuesit e Bayerit, megjithëse te Chelsea në fakt e çmojnë këtë lojtar vetëm me një shifër afërsisht 77 milionë euro.

Përsa i përket lojtarëve të tjerë mbrojtësi Emerson Palmieri është nxjerrë në shitje për vlerën e 22 milionë stërlinave, me klube si Juventusi dhe Interi që janë shumë të interesuar për të, megjithatë “zonja e vjetër” interesohet gjithashtu edhe për mesfushorin Jorginho, për më tepër ka patur bisedime së fundmi ndërmjet menaxherit të tij dhe drejtuesve të bluve.

Reali i Madridit duhet të shesë patjetër shumë lojtarë për të siguruar kalimin e Havertz-it në Spanjë, ndërsa bavarezët e Bayernit i kanë duart të lidhura pas parave të shpenzuara për të marrë shërbimet e lojtarit të Manchester City-t Leroy Sane, gjë e konfirmuar edhe nga vetë Karl – Heinz Rummenigge, që vetëm pak kohë më parë deklaroi se transferimi i Havertz-it në radhët e Bayernit që këtë verë kërkon sakrifica të mëdha dhe është i pamundur në aspektin financiar, por klubi synon që ta afrojë në gjirin e ekipit 12 muaj më vonë.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency