Tammy Abraham është idhulli i ri i tifozërisë së Chelsea-t, që po bën të harrohet shpejt Eden Hazard. 21-vjeçari, i sapokthyer nga huazimi tek Aston Villa, realizoi 2 gola në favor të Chelsea-t në fitoren 2-3 në fushën e Norwichit në këtë javë të tretë të Premier Leagues-s, duke dhënë kontributin kryesor në këtë sukses të parë të skuadrës së drejtuar nga Frank Lampard në kampionat.
Sulmuesi i ri, 1.90 metra i gjatë, shfrytëzoi në minutën e 3-të një harkim të saktë të Azpilicuetas për të zhbllokuar rezultatit. Epërsia fillestare e Chelsea-t zgjati vetëm 2 minuta, pasi Cantewll, i shërbyer nga Pukki barazoi nga një distacnë fare e afërt.
Nuk vonoi shumë dhe Mount, pasi shmangu bukur mbrojtjen në hyrje të zonës, mposhti portierin vendës, duke kther rezultatin në favor të londinezëve, por pak para se skuadrat t’u drejtoheshin dhomave të zhveshjes për pushimin mes pjesëve, Pukki barazoi 2-2.
Në pjesën e dytë doli në skenë me cilësitë e tij sërish Tammy Abraham, që mori një top nga thellësia nga Kovacic dhe, pasi i krijoi vetes hapësirat e nevojshme, shënoi golin e tretë për Chelsea-n dhe të fundit të sfidës, duke i dhuruar tri pikë shumë të vlefshme skuadrës së tij.