Riqui Puig pritet të largohet nga Barcelona këtë verë.
Mesfushori 22-vjeçar është i pakënaqur me minutazhin në “Camp Nou” dhe në drejtim të tij ka disa oferta konkrete.
Pak ditë më parë, Valencia kishte bërë një ofertë konkrete në zyrat e klubit katalan, por situata ka ndryshuar pasi Lazio është futur në garë për spanjollin.
Italianët po kërkojnë për një mesfushor me cilësi dhe Puig konsiderohet si lojtari ideal, e mbi të gjitha, Lazio e konsideron si një lojtar me një potencial të jashtëzakonshëm dhe që në Serie A mund të bëjë diferencën.
Valencia dhe Gattuso shpresojnë te fakti se Riqui ka prioritet kampionatin spanjoll, por tani mund të intrigohet nga ideja për të ndryshuar ambient dhe ligë, ndërsa Barcelona tani po pret për ofertën më të mirë.
Puig debutoi me Barcelonën në La Liga në sezonin 2018-2019 dhe në total numëron 60 ndeshje dhe 2 gola në të gjitha kompeticionet.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
