Igli Tare ka folur për merkaton në dalje të Lazios, ndërsa ka qetësuar tifozët bardhekaltër në lidhje me zërat për një largim të mundshëm të sulmuesit Ciro Immobile.
Drejtori Sportiv i bardhekaltërve theksoi se sulmuesi do të mbetet pjesë e Lazios, pranoi se për të ardhmen e Milinkoviç-Saviç do të presë ofertat që do të vijnë.
“Mund t’ju siguroj se Immobile ndihet mjaft mirë në Romë dhe do të vijojë të jetë pjesë e Lazios edhe për sezonin e ardhshëm. Është goleadori ynë dhe do të vijojë të shënojë për fanellën e Lazios. Sa i përket Milinkoviç-Saviç, është fakt që te Lazio ai u shndërrua në një nga mesfushorët më të mirë në botë, ndaj do të jetë e vështirë ta mbajmë. Gjithsesi mbetemi në pritje të ofertave, pasi nuk e kemi detyrim të shesim lojtarë”, tha Tare.
Drejtori Sportiv i Lazios foli edhe për sulmuesin brazilian Felipe Anderson, duke treguar se së shpejti do të takohet me agjentët e tij, për të studiuar mundësinë e një qëndrimi te bardhekaltrit.
