Igli Tare nuk ka asnjë dyshim rreth të ardhmes së Milinkovic-Savic dhe Ciro Immobiles. Në një prononcim të shkurtër për Sky Sport, drejtori sportiv i Lazios theksoi se firmat me këto dy elementë të rëndësishëm të bardhekaltërve, janë formale.
“Është punë ditësh, në fillim të javës së ardhshme gjithçka do të jetë mbyllur. Me të dy lojtarët kemi arritur prej kohësh marrëveshje.”
Për Milinkovic-Savic ka patur shumë zëra për largimin e tij gjatë merkatos së verës, por në zyart e klubit nuk erdhi asnjë ofertë që mund të kënaqte presidentin Claudio Lotito.
