Lazio nuk ndalet në merkato. Pasi siguruan shërbimet e Badelj për mesfushën, bardhekaltrit janë vënë në kërkim të përforcimeve të tjerë për skuadrën. Objektivi i radhës për drejtorin sportiv të italianëve, Igli Tare është braziliani Ramires, që aktualisht aktivizohet në Superligën kineze me skuadrën e Jiangsu Suning. 31-vjeçari kërkon rikthimin në Europë dhe Lazio është një mundësi e mirë për karrierën e tij. Për ta lënë të lirë futbollistin drejtuesit e skuadrës kineze kërkojnë shumën e 3 milionë eurove.
