Connect with us

Hi, what are you looking for?

Serie A

Tare sulmon Ministrin e Sporteve dhe kritikon Interin e Juventusin

Lazio është skuadra që ka kërkuar me ngulm rifillimin e sezonit, duke qenë se bardhekaltrit janë edhe pretendentë për titullin kampion këtë vit, por të ndikuar edhe nga fakti që në pjesën qendrore e jugore të Italisë, efekti i Covid-19 nuk është ndjerë shumë.

Megjithatë duke qenë se ende nuk ka një vendim për datën e rinisjes së stërvitjes, klubi kryeqytetas ka reaguar zyrtarisht ditën e sotme nëpërmjet Drejtorit Sportiv Igli Tare, i cili akuzoi edhe Ministrin e Sporteve se po vepron në favor të atyre që nuk duan rifillimin e kampionatit.

“Kemi mbetur të gjithë të befasuar, pasi kemi respektuar çdo vendim të qeverisë dhe prisnim që 4 maji të ishte data e rifillimit të stërvitjes. Kam dëgjuar edhe fjalët e ministrit Spadafora, të cilat më duken kontradiktore, sepse nga një anë thotë se mendon për shëndetin e të gjithëve, ndërsa nga ana tjetër lejojnë njerëzit të stërviten në park. Nuk mund të jetë më i sigurt një park publik, sesa ambientet e klubeve që do të monitorohen sipas protokollit të sigurisë”, tha Tare.

Më pas ish sulmuesi i Kombëtares Shqiptare lëshoi kritika edhe për rivalët e Lazios në kampionatin Italian, Juventusin dhe Interin, të cilat sipas Tares nuk po marrin një pozicion të qartë në këtë situatë.

“E dimë që është një situatë e vështirë dhe duhet të jemi shumë të kujdesshëm, por nuk po kërkojmë rikthimin e njerëzve në stadium. Thjesht duam të sakrifikojmë sadopak për të mbyllur kampionatin sipas rregullave. Më vjen keq edhe për faktin se klube si Interi e Juventusi nuk po marrin një pozicion të qartë në këtë situatë”, tha drejtori sportiv i Lazios.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...