Connect with us

Hi, what are you looking for?

Basketboll

Tatum me 51 pikë, Boston fluturon në finale

Boston fiton, madje stërfiton ndeshjen e 7-të kundër Philadelphian. Tatum dominon, luan si MVP dhe Celtics në TD Garden triumfojnë 112-88 përballë 76-ers, duke shkuar në finalen e Konferencës në Lindje, ku gjejnë Miami Heat.

Do të jetë përsëritja e sezonit të kaluar, kur u imponuan pikërisht jeshilët. Ndeshja e parë është në program të mëkurën në Boston gjatë natës shqiptare.

YJET NË PESHORE

Jay-t, Jayson Tatum dhe Jaylen Brown përqafuan presionin e madh të një ndeshjehe të 7-të. Tatum shënoi 51 pikë! Realizues i jashtëzakonshëm, me një elegancë shumë efikase.

Brown nxjerr në pah grintën e një lideri, duke i shtuar 25 pikë. Në krahun tjetër 2 “yjet” e 76-ers u eklipsuan. Embiid gjuajti shumë keq me 5/18 goditje të realizuara.

Harden ngeci përgjatë gjithë ndeshjes, duke akumuluar topa të humbur (5) dhe bëri dhe një faull flagrant që ndryshoi inercinë e takimit, pas një fillimi të mirë për Philadeplhian.

NDESHJEA

Robert Williams e niste edhe një herë në pesëshe për trajnerin Mazulla, që e preferoi ndaj White. 8 pikë në 6 minutat e para për Tucky, xholin e papritur si realizues për trajnerin Rivers.

76-ers kryesonin në fillim plus 9, pastaj perioda e parë u mbyll 29-23. Tucker dhe Tatum me 11 pikë, Harden jo vetëm që nuk shënoi, por mori dhe një faull flagrant ndaj Brown në sulm.

Pikërisht ai episod solli reagimin e Boston me një rezultat të pjesëshëm 9-0, që barazoi shifrat në 35-35. Celtics fituan forcë dhe kurajë, duke kryesuar 55-52 në pushimin e gjatë.

SHKËPUTJA JESHILE

Tatum çoi Bostonin në vazhdim në plus 10, në rezultatin 65-55, duke kapur kuotën e 30 pikëve. Harden ishte katastrofë, Embiid zhgënjyes, me “yjet” e skuadrës që tradhëtuan Philadelphian.

Diferenca shkoi në +18 me pikët e Brown dhe Tatum, me një rezultat të pjesëshëm 24-3 për të zotët e shtëpisë. Ndeshja mund të konsiderohej e mbyllur me rezultatin 79-58 kur mbeteshin edhe 4 minuta nga fundi i periodës së tretë, duke e shndërruar fraksionin e fundit në një pasarelë triumfi për Celtics para publikut të tyre. Boston vazhdon në finale, me 76-ers që kthehen në shtëpi.

 

Lajme të tjera

La Liga

Xavi rrezikon shkarkimin nga posti i trajnerit të Barcelonës sapo të mbyllet sezoni. Deklarata e fundit ka sjellë shqetësim në klub, teksa është pritur...

Featured

Me një letër të hapur të publikuar në faqen zyrtare të klubit, presidenti i Inter-it, Steven Zhang u shkruan tifozëve, duke pranuar vështirësitë financiare...

Serie A

Milani ndan mendjen për trajnerin e ri. Klubi kuqezi duket i vendosur të mbyllë bashkëpunimin me Stefano Piolin në fund të sezonit dhe duket...

Premier League

Brighton zyrtarizon largimin e De Zerbit. Klubi anglez ka bërë me dije nëpërmjet një komunikate zyrtare, se trajneri italian do të largohet në fund...