Dani Ceballos është pranë fundit të aventurës me Real Madrid. Kampionët e Europës dhe Spanjës, siguruan për 80 milionë euro shërbimet e Aurelien Tchouameni nga Monaco.
Zbarkimi i 22-vjeçarit francez tek ekipi i Carlo Ancelottit zeron mundësitë e mesfushorit spanjoll për të luajtur, kështu që Ceballos po kërkon për një skuadër tjetër për të vijuar karrierën.
Iberikja AS raporton se 25-vjeçari pritet të rikthehet te Real Betis, skuadra ku shpërtheu dhe zhvilloi sezonet më të mira. 16.5 milionë euro shpenzuan “Los Blancos” për të marrë Ceballos nga klubi andaluzian pesë vite më parë.
Lojtari nga Sevilla, i cili ka luajtur 11 ndeshje (1 gol) me kombëtaren e Spanjës, kaloi dy vite në huazim tek Arsenali, ndërsa në sezonin e fundit regjistroi 18 ndeshje me Real Madrid.
