Skuadra e Monacos nuk heq dorë nga objektivi Champions League. Ekipi nga Principata siguroi fitoren e tetë radhazi në Legue 1, këtë herë përballë Lilles në transfertë, të cilën e mposhtën 1-2.
Në fakt, kampionët e sezonit të kaluar kanë “abdikuar” prej kohësh në elitën e futbollit francez dhe nuk kanë më objektiva për të arritur, pasi renditen në mesin e klasifikimit.
Futbollisti i shumëkërkuar në merkato, Tchouameni, realizoi golin e parë në fundin e fraksionit hapës, i shërbyer nga Ben Yedder. Në të 69-tën Lille barazoi Gomes, por vetëm gjashtë minuta e pas Tchouameni realizoi golin e dytë personal dhe të fitores për Monacon, që tashmë shpreson në një hap të gabuar të Marsejës për të shpresuar te vendi i dytë.