Connect with us

Hi, what are you looking for?

Lajme

Të dhëna pikante/ Interi në finalen e Champions League, Inzaghi synon “tripletë”

Zikaltrit do të luajnë tri finale sezonale, diçka që nuk ndodhte që nga sezoni 2009/10 me José Mourinhon. Inzaghi si Giovanni Invernizzi në vitin 1972. Më poshtë janë listuar disa të dhëna interesante që lidhen me dy ekipet milaneze.

– Interi ka arritur finalen e gjashtë të Kupës Evropiane/Ligës së Kampionëve në histori, duke u rikthyer për të luajtur aktin final të kompeticionit për herë të parë që nga sezoni 2009/10.

– I vetmi trajner tjetër italian, para Simone Inzaghit, që udhëhoqi Interin në finalen e Kupës së Evropës/Ligës së Kampionëve ishte Giovanni Invernizzi në vitin 1972.

– Lautaro Martínez u bë lojtari i tretë argjentinas që shënon të paktën 10 gola në Kupën Evropiane/Ligën e Kampionëve për Interin, pas Julio Cruz (13) dhe Hernán Crespos (11).

– Kundër asnjë kundërshtari tjetër Lautaro Martínez nuk ka shënuar më shumë gola për Interin sesa ndaj Milanit (8); në veçanti, ai është lojtari që i ka shënuar më shumë gola Milanit në të gjitha garat që kur iu bashkua zikaltërve në sezonin 2018/19.

– Interi arriti në finale pa humbur asnjëherë në fazën eliminatore të këtij edicioni: vetëm një skuadër tjetër italiane e kishte bërë këtë në Champions League, Juventusi në 2014/15 dhe 2016/17.

– Interi arriti në finale duke e ruajtur të paprekur rrjetën në pesë ndeshje nga gjashtë të luajtura në fazën me eliminim direkt. Skuadra e fundit që e bëri këtë në Champions League ishte Juventus në 2016/17.

– Interi arriti në finalen e Kupës së Evropës/Ligës së Kampionëve pa pësuar gol në të dyja ndeshjet gjysmëfinale për herë të dytë, pas sezonit 1971/72 kundër Celtic. Kjo ishte hera e parë që Interi dhe Milani u takuan pesë herë në një sezon dhe hera e dytë që zikaltrit mundën kuqezinjtë në katër takime të sezonit, pas 1973/74.

Lexo edhe:

– Për herë të parë në historinë e tij, Milani kaloi katër ndeshje radhazi pa tundur rrjetën e Interit.

– Kjo është hera e tretë që Milani nuk arrin të kalojë gjysmëfinalen e Kupës së Evropës/Ligës së Kampionëve, pas 1955/56 kundër Realit të Madridit dhe 2005/06 kundër Barcelonës.

– Milani nuk ka shënuar në tri ndeshje zyrtare radhazi, në drejtimin e Piolit kishte ndodhur vetëm një herë, midis dhjetorit 2019 dhe janarit 2020 (0-0 kundër Sassuolos, 0-5 kundër Atalantës, 0-0 kundër Sampdorias).

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...