Kritikat dhe ofendimet e marra në rrjetet sociale janë kthyer në një problem për shumë futbollistë, por jo vetëm. Në lidhje me këtë temë ka folur edhe trajneri i PSG-së. Christophe Galtier është përballur në disa raste me zemërimin dhe shpërthimin e tifozëve, ndërkohë që ka një apel për ta.
“Sigurisht që kritikat e marra të dhembin disi, të prekin dhe të bëjnë të ndihesh keq. Jemi shumë të bashkuar te PSG, por njerëzit i harrojnë shpejt arritjet pozitive dhe gjërat e mira. Sulmet më të vështira janë ato ndaj familjes.
Gjithsesi, edhe motivohesh shumë kur përballesh me sulme të tilla, por këto situata janë të vështira për familjarët, të dashurit dhe fëmijët. Ka rëndësi të madhe të mbrohemi shumë nga ajo që ndodh në rrjetet sociale”, deklaroi 56-vjeçari francez.
PSG kryeson Ligue 1 me pesë pikë më shumë se Lensi ndjekës, ndërkohë që në raundin e 1/8-ve në Champions League kampionët e Francës i presin dy duele të zjarrta ndaj Bayern Munchen.
