Gjykata Sportive e Apelit në Itali, do të marrë në konsideratë këtë të premte sherrin mes arbitrit Serra dhe trajnerit të Romës Jose Mourinho, që i kushtoi këtij të fundit kartonin e kuq në ndeshjen ndaj Cremoneses.
Dënimi i Mourinhos është pezulluar përkohësisht, në pritje të vendimit, megjithatë leximi i buzëve të arbitrit, duket se ka vënë me shpatulla pas murit arbitrin Serra.
Sipas specialistit të leximit të buzëve, Giuliano Calleghari, arbitri i katërt i është drejtuar Mourinhos, duke i thënë: Të gjithë po tallen me ty. Shko në shtëpi! Shko në shtëpi”.
Lexo edhe:
- Mirlind Daku/ Nga hapat e parë të karrierës, te mundësia për t’u veshur kuqezi
- Faza e 1/8-tave, Jorgjit i besohet ndeshja e skuadrës italiane në Conference League
- Sylvinho flet për përgatitjet për Poloninë: Do të ketë prurje të reja, dua disa liderë
Këto fjalë nxitën edhe reagimi ne ashpër të portugezit, që më pas u ndëshkua me karton të kuq dhe pas ndeshjes deklaroi se nuk është hera e parë që arbitri Serra e ofendon.
Ky i fundit u mbrojt, duke treguar se biseda kishte qenë shumë ndryshe, megjithatë tashmë arbitri pritet të përballet me një dënim shembullor, që do ta nxirrte nga aktiviteti të paktën deri në fund të sezonit.
