Federata Shqiptare e Futbollit ka vendosur që shorti i gjysmëfinaleve të Kupës së Shqipërisë të hidhet të mërkurën, në orën 13:00. Janë 4 skuadra që presin me ankth se cili do të jetë kundërshtari i radhës në këtë kompeticion, që nuk vlen thjesht një trofe i rëndësishëm, por edhe si një dritare për të luajtur në Europa League sezonin e ardhshëm.
Skënderbeu, Flamurtari, Kukësi dhe Laçi, janë 4 skuadrat që renditen në pjesën e sipërme të tabelës, por përveç ekipit korçar, që është i shkëputur nga ndjekësit, asnjë prej tyre nuk e ka të sigurtë zonën europiane nëpërmjet kampionatit, ndaj dhe dëshira për ta fituar këtë trofe është e madhe.