Real Madrid la dy pikë në Santiago Bernabeu pasi nuk mundi të shkonte përtej një barazimi pa gola me Rayo Vallecanon. Madrilenët ishin gjatë gjithë kohës në kërkim të golit, por nuk mundën të finalizonin sulmet. Pas sfidës, trajneri Carlo Ancelotti theksoi se ishte i kënaqur me paraqitjen e skuadrës së tij pavarësisht mungesës së golit. Italiani theksoi se detyra kryesore e një skuadre është të krijojë raste, e në ndonjë ndeshje të caktuar ndodh edhe që të mos e kesh fatin me vete ndaj shtoi se nuk ka vend për alarm.
Lexo edhe:
- VIDEO/ Cikalleshi e bën dramë në limite, shpëton Konyaspor nga humbja
- Nuk ka fitues në “Kukës Arena”, Dinamo dhe Kukësi pa “shënjestër”
- “Kështu nuk vazhdohet”, trajneri legjendar largohet papritur nga futbolli: Ishte ndeshja e fundit!
- VIDEO/ Juventus merr tri pikët ndaj Fiorentinës dhe ruan trendin pozitiv
“Nëse shohim vetëm rezultatin është e vërtetë se ai tërheq vëmendje dhe bie në sy. Por, unë nuk mund ta vlerësoj një ndeshje vetëm nga rezultati. Unë mërzitem kur ekipi fiton dhe nuk luan mirë. Në këtë rast, ekipi luajti shumë mirë dhe mua më mjafton.
Nuk më shqetëson fakti që nuk shënuam, e provuam shumë herë, por kush e njeh këtë botë e di mirë se të tilla ndeshje ndodhin gjatë një sezoni. Të mos e bëjmë dramatike sepse nuk është momenti, kemi besimin e duhur se në vijim do t’i bëjmë gjërat siç duhet.
Dëmtimi i Bellingham në shpatull? Pati një problem, por mundi të luante. Do të bëj disa teste, por nuk më duket asgjë serioze”, u shpreh Ancelotti.
