Bruno Telushi futbollisti i javës në kampionatin kroat. Mesfushori vlonjtat, pjesë e Slaven Belupos jo vetëm që është përfshirë në formacionin më të mirë, por është përzgjedhur edhe si lojtari që ka spikatur në javën e tretë, falë paraqitjes së tij në fitoren 0-1 në fushën e Zapresic, ku luan mbrojtësi shqiptar Herdi Prenga.
Telushi është aktkvizuar titullar në të gjitha ndeshjet e këtij fillimsezoni në Kroaci, teksa Slaven Belupo pas humbjes në javën e parë 2-0 me Rijekën, mori pikët e plotë si në fushën e saj ndaj Lokomotivës së Zagrebit ashtu edhe në takimin e fundit me Zapresicin. 26-vjecari që shquhet për forcën fizike dhe goditjet nga distanca në të dy takimet e fundit është përzgjedhur në formacionin e javës në kampionatin kroat.
Vetë Telushi nuk mund të priste një nisje më të mirë të eksepriencës së tij të re në Kroacio në radhet e Slaven Belupos, që së fundmi i është bashkuar edhe golashënuesi më i mirë i Superiores sezonin e kaluar, Pero Pejic.