Humbja 4-0 në transfertën ndaj Brentford, me katër golat e pësuar brenda 335 minutave, ka tronditur jo pak ambientin te Manchester United, që këtë sezon ia ka besuar pankinën holandezit Eric Ten Haag, megjithatë ky i fundit ka marrë dy disfata në po kaq ndeshje zyrtare.
Pas ndeshjes së djeshme Ten Haag deklaroi se do të ndalet gjatë me futbollistët për të analizuar se çfarë nuk shkoi ndaj Brentford, teksa sot ka kaluar menjëherë në veprim, pasi mediat angleze raportojnë e është “hakmarrë” ndaj lojtarëve.
Të gjithë kanë dalë në stërvitje nën temperaturat që në Manchester shkonin deri në 30 gradë Celsius, ndërsa trajneri i ka detyruar të vrapojnë për plot 13.8 kilometra secilin. Pse kjo shifër? Sepse kaq kilometra më shumë vrapuan lojtarët e Brentfordit së bashku, në krahasim me an atë “djajve të kuq”.
Pas ndëshkimit, Ten Haag ka mbledhur lojtarët në ambientet e brendshme të qendrës stërvitore, për të diskutuar mbi shkaqet që sollën atë humbje të rëndë, megjithatë tani Ronaldo me shokë do ta mbajnë mend disfatën ndaj Brentfordit edhe për atë vrapim nën temperatura të larta.
