Manchester United dhe Antony Martial do të ndajnë rrugët në fundin e këtij sezoni me francezin që dështoi të shndërrohej në një lojtar të rëndësishëm për trajnerin Erik ten Hag, kjo për faj edhe të problemeve të shumta fizike. Edhe në ndeshjen e fundit të kampionatit ndaj Bournemouth, sulmuesi nuk luajti më shumë se 57 minuta duke përfunduar i zëvendësuar nga ana e Wout Weghorst.
Zhgënjimi ishte i qartë në sytë e Martial teksa lojtari iu drejtua menjëherë dhomave të zhveshjes për t’u rikthyer vetëm pas disa çastesh në stol. Kështu, pas tetë vitesh pjesë e “Djajve të Kuq” kjo eksperiencë duket pranë fundit.
Lexo edhe:
- E bujshme/ Ferrari “josh” Hamilton, e fton të thyejë rekordin e Schumacher me “kokëkuqjen”
- DigitAlb – Zgjedhja e vetme për Shqiptarët dhe Diasporën
- Nga kualifikimet europiane, te sukseset në kampionate/ Rekordet e trajnerit Ilir Daja!
- Arteta zbulon zëvendësuesin e Xhakës, në shënjestër kapiteni i rivalëve të Premier League
Pavarësisht kontratës që i përfundon në vitin 2024, drejtuesit janë të vendosur për ta larguar sidomos për të shmangur edhe pagën prej 240.000 paundësh në javë që përfiton aktualisht Martial dhe që rëndon bilancin e anglezëve.
Kujtojmë se synimi kryesor i drejtuesve të United për sezonin e ardhshëm është afrimi i një sulmuesi që garanton gola, aq më tepër me Djajtë e Kuq që me gjasa do të rikthehen të luajnë në Champions League pa lënë pas edhe objektivin për të qenë mes më të mirëve në Premuer League.
