Connect with us

Hi, what are you looking for?

Angli

Ten Hag kthen sytë nga Milan, kërkon të “rrëmbejë” Diaz

Manchester United mbetet një kantier në ndërtim dhe klubi po shqyrton me interes disa emra për të përforcuar skuadrën dhe për t’i dhënë elementet cilësorë trajnerit Ten Hag.

Ndryshimet filluan menjëherë që në merkaton e verës, pikërisht në premierën e trajnerit holandez, por përsëri United ka vuajtur për të marrë rezultatet dhe momentalisht pozicionohet në vendin e pestë në Premeir League me 23 pikë, 8 më pak se kryesuesit e Arsenal.

Së fundmi në skenë është shfaqur Brahim Diaz. 23-vjeçari i Milan, sipas medieve angleze është një dëshirë e Ten Hag, i cili kërkon të pasurojë repartin e sulmit me cilësitë e spanjollit.

Diaz, deri më tani numëron 14 ndeshje, 4 gola dhe 1 asist me kampionët e Italisë në të gjitha kompeticionet, ndërsa po luan sezonin e tij të tretë në Itali.

Ishi i Real Madrid ka një kontratë me “kuqezinjtë” deri në verën e vitit 2025 dhe kartoni i tij është i përballueshëm për arkat e United, pasi vlera e spanjollit llogaritet rreth 25 milionë euro.

Gjithsesi, nuk do të jetë aq e lehtë për të arritur te Diaz, i cili është ambientuar te Milan dhe 19 herë kampionët e Italisë nuk dëshirojnë të privohen nga kartoni i spanjollit.

Sipas medieve angleze, Manchester United pritet që të bëjë një ofertë zyrtare në merkaton e dimrit, një periudhë që do të jetë një barometër i vërtet për të parë se sa larg mund të shkoj ky operacion.

 

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...