Tenis

Tenis, Nadal e Federer e nisin mbarë në Shangai

Rafael Nadal e Roger Federer e nisin me këmbën e mbarë Mastersin e Shangait. Në raundin e parë të turneut aziatik, numri 1 në botë në renditjen e përgjithshme kaloi me rezultatin 2-0 me sete (6-2 dhe 6-21) Jared Donaldson, në një sfidë që zgjati vetëm 55 minuta. Spanjolli mori dy gejme me shërbimin e kundërshtarit në në cdo set, pa e vënë në asnjë moment në diskutim suksesin.

Nuk zhgënjen as Federer, që mposhti po 2-0 me sete (7-6 dhe 6-4) Diego Shwartzman, duke vuajtur disi për të avancuar në turin tjetër. Zvicëranit iu desh “tie break” për të ndalur rivalin në setin e parë, ndërsa në të dytin e pati më të lehtë. Në ndeshjet e raundit të parë nuk zhgënjyen as bullgari Grigor Dimitrov, gjermani Alexander Zverev, francezi Gilles Simon apo amerikanët Sam Querrey e John Isner.

To Top