Përplasjet në merkato kanë tensionuar raportet mes Barcelonës dhe Bayern Munchen. Kampionët e Gjermanisë tentuan të bllokonin rinovimin e Pedrit, teksa edhe Sergino Dest ishte një objektiv i përbashkët për të dy klubet.
Katalanasit reaguan duke synuar joshjen e mbrojtësit Niklas Sule dhe “rrëmbimin” e talenteve si Kenan Yidiz (16 vjeç) dhe Gabriel Vidovic (15 vjeç). Kundërpërgjigja e Bayernit lidhet me Frenkie De Jong.
Mesfushori holandez është objektivi kryesor i bavarezëve, me trajnerin Julian Nagelsmann që e cilëson lojtarin si përforcimin perfekt për repartin e mesit të fushës.
Drejtuesit e Bayernit po bisedojnë me agjentin e 24-vjeçarit dhe po punojnë për të siguruar shërbimet e De Jong në këtë seksion të merkatos. Lojtari holandez vlerësohet rreth 70 milionë euro nga Transfermarket.
Ndërkohë, Barcelona po synon të përforcojë krahun e majtë të mbrojtjes me Nicolas Tagliafico, pjesë e Ajax prej vitit 2018. Klubi spanjoll shpreson ta marrë në huazim deri në fund të sezonit 29-vjeçarin argjentinas.
Ndryshe mendojnë në Holandë, me Ajax që preferon shitjen e tij të menjëhershme për një shumë rreth 7-8 milionë euro. Lojtari latin e sheh si mundësinë e jetës kalimin në “Camp Nou” dhe po insiston që drejtuesit e “Harkëtarëve” të pranojnë huazimin e tij.
[quiz-cat id=”297408″]