Connect with us

Hi, what are you looking for?

Bundesliga

Tension në kampin e Bayern Munich, trajneri Nagelsmann kundër lojtarëve

Bayern Munich vijon të udhëheqë Bundesligën në kuotën e 37 pikëve, por pas tre barazimeve radhazi, bavarezët ndjejnë shumë pranë skuadrat konkurrente si Union Berlin, Leipzig, Borussia Dortmund apo edhe Freiburg. Trajneri i rekordmenëve të Gjermanisë, Julian Nagelsmann e tregon hapur pakënaqësinë në lidhje me performancën e disa prej yjeve të skuadrës teksa sipas shtypit vendas, në stërvitjen e fundit nuk kanë munguar edhe tonet e larta.

Tekniku ia ka bërë të qartë në stërvitje lojtarëve se janë duke zbritur në fushë shumë të relaksuar dhe me mendjen se e kanë të sigurt suksesin. “Është një problem që e kemi folur disa herë dhe disa prej jush vijojnë të gabojnë. Pasimet në fushë nuk janë të zgjuara”, ishin fjalët e Nagelsmann në stërvitjen e fundit.

Së fundmi, trajneri 35-vjeçar është nervozuar edhe me Serge Gnabry i cili në ditën e pushimit vendosi të largohej nga Gjermania për të ndjekur Javën e Modës në Paris. Një mentalitet që Nagelsmann nuk mund ta tolerojë në asnjë formë, ndërsa situatën po e ndjekin me shumë vëmendje edhe drejtuesit e klubit.

Për momentin, posti i trajnerit Nagelsmann nuk është i rrezikuar, mirëpo emri i Thomas Tuchel ka nisur të qarkullojë si një opsion i mundshëm për Bayern Munich pasi tensionet janë gjithnjë e duke u shtuar në kampin bavarez.

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...