Connect with us

Hi, what are you looking for?

Lajme

Tersi merr fund, reperi i famshëm fiton miliona prej dy basteve të fundit

Reperi i famshëm kanadez, Drake duket se më në fund ka lënë pas mallkimin që e përndiqte në lojërat e fatit. Drake njihet si një i apasionuar pas sporteve të ndryshëm dhe shpesh në rrjetet sociale shpërndan edhe bastet që luan rreth eventeve sportive.

Por, nëse deri para pak kohësh tersi ishte gjithnjë në anën e tij teksa kujtojmë se si Drake gaboi në parashikimet e tij rreth triumfit të Argjentinës brenda 90-minutëshit në finalen e Botërorit ndaj Francës, apo për triumfin e Barcelonës në El Clasicon e parë të sezonit ndaj Real Madrid, më në fund duket se “yjet janë rreshtuar në krahun e tij” pasi së fundmi, Drake fitoi plot 2.7 milionë dollar.

Lexo edhe: 

Basti i fundit i kanadezit lidhej me një event për titullin botëror të peshave të mesme në UFC 287, mes Israel Adesanya dhe Alex Periera. 36-vjeçari kishte vendosur dy baste të ndryshme në favor të Adesanya, një me shumë 500.000 dollarë që Adesanya fitonte ndeshjen dhe një tjetër me shumë 400.000 që Adesanya e fitonte ndeshjen me Knock Out.

Të dyja bastet u realizuan në fund duke i dhuruar Drake plot 2.7 milionë dollar. Interesant është fakti se në ndeshjen e parë mes dy luftëtarëve të zhvilluar disa kohë më parë, Drake kishte mbështetur dhe investuar para tek Adesanya, por ky i fundit ishte mposhtur nga Periera. Megjithatë, reperi i famshëm besoi deri në fund të Adesanya dhe fitoi një shumë të majme.

Gjithsesi, ky nuk ishte basti i fundit i vendosur nga Drake në mbrëmjen e kaluar, pasi kanadezi besonte edhe te suksesi Masvidal ndaj Burns duke vendosur një bast prej 400.000 paund për fitoren e Masvidal. Por, ai humbi dhe së bashku me të edhe Drake. Gjithsesi, të paktën këtë herë Drake nuk e mbylli me disfatë mbrëmjen dhe ia doli që pas disa parashikimeve të gabuara, të “qëllonte” në shenjë.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...