Connect with us

Hi, what are you looking for?

Bundesliga

Terzic: Zero tolerancë ndaj PSG-së, fitojmë me ndihmën e 80 mijë tifozëve

Borussia Dortmund arriti një fitore të madhe në “San Siro” përballë Milanit. Nënkampionët e Gjermanisë triumfuan 1-3 kundër kuqezinjve të Stefano Piolit, duke u gjetur suksesin në stadiumin mitik pas plot 20 vitesh. Por njëkohësisht edhe kualifikimin.

Verdhezinjtë presin PSG-në në “Signal Iduna Park” në takimin e fundit në grupin F, aty ku mjafton një pikë për të siguruar kalimin në raundin e 1/8-ve si forcë e parë.

Lexo edhe:

Ndërkohë që Milani duhet të fitojë në Angli kundër Newcastle dhe të shpresojë te suksesi i Dortmundit me kampionët e Francës për të vijuar rrugëtimin në Champions League.

Trajneri i verdhezinjve, Edin Terzic nuk e fsheh lumturinë për fitoren në Milano, ndërkohë që premton se djemtë e tij do të tentojnë tri pikët edhe përballë skuadrës së Luis Enriques.

Djemtë ishin të lodhur, u konsumuan shumë fizikisht, por ata janë shumë të lumtur dhe të kënaqur për arritjen e kualifikimit. Të gjithëve na kujtohet mbrëmja e shortit kur po flitnim për këtë ‘grup vdekjeje’.

Nuk e harrojmë kur na thanë se nuk kishim asnjë shans për t’u kualifikuar pas humbjes me PSG-në dhe barazimit në shtëpi me Milanin në dy takimet e para… Milani gjithashtu kishte nevojë të fitonte, por ne treguam më shumë dëshirë për sukses.

MILAN-DORTMUND 1-3

Të gjithë ndeshjet e këtij grupi kanë qenë të beteja, duele shumë të luftuara. Milani e kishte ndeshjen nën kontroll për pjesën më të madhe të kohës, por ne ishim gjithmonë të rrezikshëm.

PSG? Nuk duam të bëjmë asnjë dallim mes ndeshjeve të ndryshme: do të luajmë për të fituar. Nuk duam t’u dhurojmë asgjë PSG-së, Newcastle dhe Milanit. Do të vijnë 80 mijë njerëz në stadium dhe ne mund të sigurojmë vendin e parë.

Kështu që do të japim gjithçka. Unë jam gjithmonë shumë i motivuar”, u shpreh tekniku 41-vjeçar me origjinë nga Kroacia.

Lajme të tjera

Legjionarët

Mirlind Daku është kthyer në një nga lojtarët më të rëndësishëm të Rubin Kazan. Sulmuesi kuqezi u transferua gjatë verës tek skuadra ruse ku...

Spanjë

Xavi Hernandez do të largohet nga Barcelona në përfundim të këtij sezoni dhe tashmë presidenti Laporta është duke menduar për zëvendësuesin e trajnerit. Sipas...

Lajme

Joachim Löw, kampion botë në krye të Gjermanisë në Brazil 2014, është pa punë që nga viti 2021, kur u largua nga përfaqësuesja gjermane....

Angli

Trajneri i Brighton, Roberto De Zerbi flet për të ardhmen e tij, e cila është një nga temat më të nxehta të ditëve të...