Formula 1

Testet zyrtare, Hamilton ‘eklipson’ sërish Vettelin

Në ditën e 4-t dhe të fundit të testeve zyrtare, në Montmelo të Barcelonës, Lewis Hamilton ka treguar se jo më kot është kampioni në fuqi i botës, në Formula 1. Piloti i Mercedesit ka vendosur kohën më të shpejtë të këtyre testeve, me 1’19”333, duke lënë pas pilotin e McLarenit, Vandoorne dhe rivalin e tij kryesor, gjermanin e Ferrarit, Sebastian Vetel.

Gjithsesi, kjo nuk ishte koha më e mirë për pilotin e Ferrarit, pasi në ditën e dytë të provave, ai regjistroi një xhiro akoma më të shpejtë dhe në përfundim të testeve zyrtare, arriti të renditej i dyti për xhiron më të shpejtë.

Pjesa e parë e ditës ishte jo fort optimale për të marrë maksimumin, ndërsa pasditja dhuroi kushte mjaft të mira atmosferike, por edhe të pistës dhe pilotët patën mundësi të testojnë ashtu si duhet makinat e tyre.

Formula 1 do të startojë sezonin e vitit 2018, më 25 Mars, me Çmimin e Madh të Melbournit në Australi, ndërsa gara e fundit do të zhvillohet në Emiratet e Bashkuara Arabe, plot 8 muaj më vonë, më 25 Nëntor.

To Top