Tete transferohet në Premier League. Sulmuesi anësor brazilian ka vendosur t’i japë fund aventurës thuajse një vjeçare me Lyonin në Ligue 1, për t’u bashkuar me Leicesterin në elitën e futbollit anglez.
Siç raportojnë mediat britanike, 22-vjeçari ka mbërritur tashmë në Leicester dhe pritet që nesër orse të hënën të kryejë vizitat mjekësore, një ritual i zakonshëm para firmës mbi kontratë dhe prezantimit zyrtar.
Lexo edhe
- Gordon te Newcastle, mbyllet marrëveshja me Evertonin
- VIDEO/ Uzuni rikthehet me dopietë, mposht i vetëm klubin e Pique
- Formacioni më i mirë/ Nga Bekaj te Skuka, zgjidhen “yjet” e vitit 2022
Tete është në pronësi të Shakhtar Donetsk, pas nisjes së luftës në Ukrainë, përfitoi nga rregulli i FIFA-s për t’u transferuar te Lyoni në huazim, gjë të cilën e përsërit edhe këtë herë për t’iu bashkuar Leicesterit.
Gjatë një sezoni te Lyon, Tete luajti 30 ndeshje dhe shënoi edhe 8 gola, duke u shfaqur si një nga protagonistët e klubit francez, teksa tani do të duhet të tregojë cilësitë në Premier League.
