Teuta ka zgjedhur trajnerin e ri pas ndërprerjes së bashkëpunimit me Diego Longon. SuperSport konfirmon se klubi durrsak ka vendosur të rikthejë në stol Edi Martinin, i cili fitoi titullin (2021), Kupën (2020) dhe Superkupën e Shqipërisë (2020, 2021) si trajneri i Teutës.
Kjo është hera e pestë që ish-sulmuesi i njohur shkodran merr drejtimin e bregdetarëve, po aq sa numri i trofeve të fituar si trajneri i skuadrës. Misioni kryesor është rikthimi i ekipit të rezultatet pozitive, pas startit të dobët nën drejtimin e Longos, i cili u shkarkua paraditen e sotme.
Lexo edhe:
- “Jemi tifozë të Interit”, Shpendi debuton si titullar kundër skuadrës së zemrës
- “E duam kapiten”, Lecce ëndërron, Ramadani “mbreti” i mesfushës
- “Dritë në fund të tunelit”, Pochettino jep lajmin e madh për Brojën
- “Gjest i madh, Onana tregoi personalitet”, Ten Hag e merr në mbrojtje
48-vjeçari drejtoi Teutën për herë të parë në periudhën (qershor 2010-maj 2011). Aventura e dytë që u shoqërua me fitimin e katër trofeve, zgjati nga dhjetori 2019-nëntor 2021, teksa u rikthye sërish në pankinën e Teutës më 16 dhjetor të vitit 2021, por drejtoi ekipin në katër ndeshje dhe u largua më 23 janar të këtij viti.
Herën e fundit Martini drejtoi Teutën sezonin e kaluar, teksa u ul në pankinë në nëntor të një viti më parë dhe qëndroi deri në qershor. Teuta vendosi të shkarkojë Diego Longon paraditen e të dielës, teksa fatale rezultoi humbja 2-0 në Shkodër…
