Mbrëmjen e djeshme Teuta zyrtarizoi ndërprerjen e bashkëpunimit me portierin goleador, Shpëtim Moçka, i cili pasi la pas një sezon si protagonist, u largua nga “Niko Dovana”.
Pasditen e sotme durrsakët njoftuan edhe zëvendësuesin e tij ,që do të jetë ish portieri i kombëtares shqiptare, Isli Hidi. 38-vjeçari ka qenë pasditen e sotme në zyrat e klubit bregdetar, ku ka firmosur marrëveshjen e bashkëpunimit me klubin e Teutës, për të paktën sezonin e ardhshëm.
Hidi është një emër shumë i madh i futbollit, që do t’u sjellë shumë eksperiencë durrsakëve të shkëmbit, pasi ka një karrierë të lavdishme në klube si Olimpiakos Nikosia, Nea Salamina, AEL Limasol dhe Apollon Limasol, por edhe në Shqipëri me Tiranën, Dinamon dhe Bylisin.