Vetëm dy ditë pas përfundimit të kampionatit, Teuta ka njoftuar zgjidhjen e marrëveshjes me mbrojtësin anësor Erlis Frashëri.
Ky i fundit la Kamzën dhjetorin e kaluar, për t’iu bashkuar durrsakëve, ndërsa në pjesën më të madhe të kohës, ishte titullar në formacionin e Shkëmbit, gjatë fazës së dytë.
Në njoftimin zyrtar, klubi durrsak falënderon mbrojtësin për kontributin e dhënë për Teutën në fushë, por nuk bën të ditura shkaqet e këtij divorci.
Ja njoftimi i plotë i Teutës:
Klubi i futbollit Teuta njofton se ka shkëputur marrëveshjen me mbrojtesin Erlis Frashëri. Falenderojmë lojtarin në fjalë për kontributin e dhënë gjatë kohës që ishte pjesë e jona. Ne i urojmë Frashërit suksese në jetë dhe në karrierë.